අක්මීමණ ප්‍රාදේශීය ලේකම් කාර්යාලය

අක්මීමන ප්‍රාදේශීය ලේකම් කොට්ඨාශය ගාල්ල නගරයෙහි පිහිටි එක් ප්‍රාදේශීය ලේකම් කොට්ඨාශයක් වන අතර එය උතුරින් බද්දේගම ප්‍රාදේශීය ලේකම් කොට්ඨාශයෙන් ද ඊසාන දිගින් යක්කලමුල්ල ප්‍රාදේශීය ලේකම් කොට්ඨාශයෙන් ද නැගෙනහිරින් හබරාදුව ප්‍රාදේශීය ලේකම් කොට්ඨාශයෙන් ද බටහිර හා නිරිත දිගින් ගාල්ල කඩවත් සතර ප්‍රාදේශීය ලේකම් කොට්ඨාශයෙන් ද වයඹ දිගින් බෝපෙ පෝද්දල ප්‍රාදේශීය ලේකම් කොට්ඨාශයෙන් ද මායිම් වේ.

II වන අග්බෝ භූපතීන්ට හිමිව තිබූ මී අඹ වනයක් හේතුවෙන් අක්මීමන යන නම පසුව ප්‍රසිද්ධ වූ බව ජනවහරේ සදහන් වේ.

II පරාක්‍රමබාහු රජුගේ ඇමතියෙකු වූ දේවපතිරාජ විසින් කරවූයේ යැයි කියැවෙන යටගල විහාරය වැනි ඓතිහාසික සිද්ධස්ථාන ද මෙම කොට්ඨාශය තුල පිහිටා ඇත.

එමෙන්ම අක්කර 55 ක භූමි ප්‍රමාණයක් පුරා විහිදී ඇති හියාරේ ජලාශය ද අක්කර 443 ක් පුරා විහිදී ඇති එලුවිල කුරුලු අභය භූමිය ද අක්මීමන ප්‍රාදේශීය ලේකම් කොට්ඨාශය තුල ඇති සෞන්දර්යාත්මක වටිනාකම ඉහල නංවන ස්ථාන දෙකකි

දළ විශ්ලේෂණය

ගාල්ල දිස්ත්‍රික්කයේ ප්‍රාදේශීය ලේකම් කොට්ඨාශ 19 අතුරින් ගාල්ල නගරයට ආසන්නයෙන්ම අක්මීමන ප්‍රාදේශීය ලේකම් කොට්ඨාශය පිහිටා ඇත.

නැගෙනහිර දේශාංශක 80-13 හා 80-21 අතර ද ,

උතුරු අක්ෂාංශක 06-01 හා 06-07 අතර ද ,

අක්මීමන ප්‍රාදේශීය ලේකම් කොට්ඨාශය පිහිටා ඇත. උතුරින් බද්දේගම ප්‍රාදේශීය ලේකම් කොට්ඨාශය ද ඊසාන දෙසින් යක්කලමුල්ල ප්‍රාදේශීය ලේකම් කොට්ඨාශය ද නැගෙනහිරින් හබරාදුව ප්‍රාදේශීය ලේකම් කොට්ඨාශය ද බටහිර හා නිරිත දෙසින් ගාල්ල කඩවත්සතර ප්‍රාදේශීය ලේකම් කොට්ඨාශය ද වයඹින් බෝපෙ පෝද්දල ප්‍රාදේශීය ලේකම් කොට්ඨාශය ද මායිම් වේ.අක්මීමන ප්‍රාදේශීය ලේකම් කොට්ඨාශය අක්මීමන මැතිවරණ කොට්ඨාශයට අයත්වේ. මෙම ප්‍රාදේශීය ලේකම් කොට්ඨාශය හෙක්ටයාර් 6437 කි. වර්ග කි.මී. 64 කි. පරිපාලන වශයෙන් ග්‍රාම නිලධාරි කොට්ඨාශ 63 කින් සමන්විත වන අතර එයට ගම් 116 පමණ අයත් වේ. ගාල්ල දිස්ත්‍රික්කයේ මුලු භූමි ප්‍රමාණයෙන් 4 % මෙයට අයත්වේ.

 සේවය කල ප්‍රාදේශිය ලේකම්වරුන්